ދައުލަތުގެ އިދާރާތަކުގެ އިންފޮމޭޝަން އޮފިސަރުންނާއި މުރާޖާ ކޮމެޓީގެ މެންބަރުންނަށް މަޢުލޫމާތު ހޯދައި ލިބިގަތުމުގެ ޙައްޤަށް ހޭލުންތެރިކުވުމަށް ކުރިއަށްގެންދާ ތަމްރީން ޕްރޮގްރާމްތަކުގެ ދަށުން ޖުޑީޝަލް ދާއިރާއަށް އަމާޒުކޮށްގެން 2023 ސެޕްޓެންބަރު 5 ވަނަ ދުވަހު ތަމްރީން ޕްރޮގްރާމެއް ވަނީ ބާއްވާފައެވެ. އިންޓަނޭޝަނަލް ރިޕަބްލިކަން އިންސްޓިޓިއުޓްގެ އެހީތެރިކަމާއެކު ކުރިއަށް ގެންދެވުނު މި ތަމްރީން ޕްރޮގްރާމްގައި މައުލޫމާތު ހޯދައި ލިބިގަތުމުގެ ޙައްޤުގެ ޤާނޫނުގެ ދަށުން އިދާރާތަކުން އަމަލު ކުރަންޖެހޭ ގޮތްތަކާބެހޭ ގޮތުން ހޭލުންތެރިކުރެވުނެވެ. މި ބައްދަލުވުމުގައި 8 އިދާރާއަކުން 19 މީހުން ބައިވެރިވެފައިވެއެވެ.   

މަސައްކަތު ބައްދަލުވުން - ޖުޑީޝަލް ދާއިރާއަށް

މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނަށް ދައުލަތުގެ އިދާރާތަކުގެ އިންފޮމޭޝަން އޮފިސަރުންނާއި މުރާޖާ ކޮމެޓީގެ މެންބަރުން އަހުލުވެރި ކުރުވުމަށް 2023 އޮގަސްޓް 3 ވަނަ ދުވަހު މާލޭގެ އިދާރާތަކަށް އަމާޒުކޮށްގެން މަސައްކަތު ބައްދަލުވުމެއް ވަނީ ބޭއްވިފައެވެ.  މި ބައްދަލުވުމުގައި މައުލޫމާތު ހޯދައި ލިބިގަތުމުގެ އަސާސްތަކަށާއި، އަމިއްލަ އިސްނެގުމުގައި މައުލޫމާތު ހާމަކުރުމުގައި ވިސްނަންޖެހޭ ކަންތައްތަކާ، އިންފޮމޭޝަން އޮފިސަރާއި މުރާޖާ ކޮމެޓީގެ ދައުރުގެ އިތުރުން ޤާނޫނުގައި ހިމެނޭ އިސްތިސްނާ ޙާލަތްތަކަށް އަލިއަޅުވައިލެވުނެވެ. ޖުމުލަ 10 އިދާރާއަކުން 21 މީހުން ބައިވެރިވެފައިވާ މި މަސައްކަތު ބައްދަލުވުން ކުރިއަށް ގެންގޮސްފައިވަނީ އިންޓަނޭޝަނަލް ރިޕަބްލިކަން އިންސްޓިޓިއުޓްގެ އެހީތެރިކަމާއެކުގައެވެ.  

މަސައްކަތު ބައްދަލުވުން

ސަރުކާރުގެ މުއައްސަސާތަކުގެ އިންފޮމޭޝަން އޮފިސަރުންނަށާއި މުރާޖަޢާ ކޮމެޓީގެ މެންބަރުންނަށް މަޢުލޫމާތު ހޯދައި ލިބިގަތުމުގެ ޙައްޤަށް ހޭލުންތެރިކުރުމާ ބެހޭ މަސައްކަތު ބައްދަލުވުމެއް ވަނީ 2023 އޮގަސްޓް 03 ވީ ބުރާސްފަތި ދުވަހު ހެނދުނު 09:00 ން 14:00 އަށް ކުރިއަށް ގެންގޮސްފައެވެ. މި ސެޝަންގެ ބޭނުމަކީ އާރުޓީއައިގެ ގާނޫނުގެ ދަށުން އިދާރާގެ މަސްއޫލިއްޔަތާއި ވާޖިބުތަކާ ބެހޭ ގޮތުން މައުލޫމާތު ދިނުމުގެ އިތުރުން ހިދުމަތް ފޯރުކޮށްދިނުމުގައި ހާމަކަން ބޮޑު ގޮތެއްގައި ކަންކަން ކުރުމާއި ޖަވާބުދާރީވުމުގެ ފައިދާތައް އަންގައިދިނުމެވެ. މި މަސައްކަތު ބައްދަލުވުމުގައި ޖުމްލަ 21 ބައިވެރިން ވަނީ ބައިވެރިވެފައެވެ.

Mahoali Workshop held for IOs and RC members of Male' City Institutes

މަހޯލި މަސައްކަތު ބައްދަލުވުން - މާލެ ސިޓީ

އިންފޮމޭޝަން ކޮމިޝަނރުގެ އޮފީހުގެ ފަރާތުން އިކޯ ޔޫތް އާއި ގުޅިގެން މަދަރުސަތުލް އިފްތިތާހުގެ ދަރިވަރުންނަށާއި ޅ.ނައިފަރުގެ ރައްޔިތުންނަށް މަޢޫލޫމާތު ހޯދައި ލިބިގަތުމުގެ ޙައްޤުގެ ޤާނޫނަށް ހޭލުންތެރިކަން އިތުރުކުރުމުގެ ސެޝަނެއް ކުރިއަށް ގެންގޮސްފިއެވެ. މި ސެޝަން ކުރިއަށް ގެންގޮސްފައިވަނީ 2022 އޮގުސްޓް 17 ވީ ބުދަ ދުވަހު މަދަރުސަތުލް އިފްތިތާހުގައެވެ. 

1 ގަޑިއިރަށް ކުރިއަށް ގެންދިޔަ މި ސެޝަނުގައި މަޢޫލޫމާތު ހޯދައި ލިބިގަތުމުގެ ޙައްޤުގެ ޤާނޫނަކީ ކޮބައި ކަމާއި، މި ޤާނޫނު ފެށިގެންއައި ގޮތާއި، އޭގެ އަސާސްތަކުގެ އިތުރުން މި ޤާނޫނުގެ ބޭނުން ހިފާނެ ގޮތުގެ މަޢުލޫމާތު ފޯރުކޮށްދެވުނެވެ. މި ސެޝަންގައި 51 ދަރިވަރުން ބައިވެރިވެފައިވެއެވެ. މި ސެޝަން ހުށަހަޅާދެއްވާފައިވަނީ އިންފޮމޭޝަން ކޮިޝަނަރުގެ ކަމާބެހޭ ފަންނީ މުވައްޒަފުންނެވެ.

RTI Awareness session held in Lh.Naifaru

ޅ. ނައިފަރުގައި ބޭއްވުނު ހޭލުންތެރިކުރުމުގެ ސެޝަން

މަޢޫލޫމާތު ހޯދައި ލިބިގަތުމުގެ ޙައްޤުގެ ޤާނޫނަށް އަހުލުވެރި ކުރުުމުގެ ގޮތުން ޅ.އަތޮޅުގެ ދައުލަތުގެ އިދާރާތަކުގެ އިންފޮމޭޝަން އޮފިސަރުންނާއި މުރާޖަޢާ ކޮމިޓީގެ މެންބަރުންނަށް އަމާޒުކޮށްގެން މަސައްކަތު ބައްދަލުވުމެއް 2022 އޮގުސްޓް 17 ވީ ބުދަ ދުވަހު ބާއްވައިފިއެވެ. މި ބައްދަލުވުމުގައި އަމިއްލަ އިސްނެގުމާއެކު މަޢުލޫމާތު ހާމަކުރުމުގެ ޒިންމާ އާއި މި ޤާނޫނުގައިވާ އިސްތިސްނާ ޙާލަތްތަކާ ގުޅޭގޮތުން މައުލޫމާތު ދެވުނެވެ. އެއަށްފަހު، އިންފޮމޭޝަން ކޮމިޝަނަރުގެ އޮފީހުގެ މަހޯލި ޕޯޓަލްގެ ބޭނުން ހިފުމަށް ހިތްވަރުދީ އެެ ޕޯޓަލް އަށް އަހުލުވެރި ކުރުން ވެސް ކުރިއަށް ގެންދެވުނެވެ.

މި ބައްދަލުވުމުގައި 12 އިންފޮމޭޝަން އޮފިސަރުންނާ އެކު ޖުމްލަކޮށް ދައުލަތުގެ އިދާރާތަކުން 46 މުވައްޒަފުން ބައިވެރިވިވެފައިވެއެވެ. މި ބައްދަލުވުން ހުށަހަޅާދެއްވާފައިވަނީ އިންފޮމޭޝަން ކޮިޝަނަރުގެ ކަމާބެހޭ މުވައްޒަފުންނެވެ.

RTI Workshop held in Lhaviyani Atoll

ޅ. އަތޮޅުގައި ބޭއްވުނު މަހޯލި ވޯކްޝޮޕް

RTI Workshop held in Fuvahmulah City

ފުވައްމުލައް ސިޓީގައި ބޭއްވުނު މަހޯލި ވޯކްޝޮޕް

ޕްރެކްޓިސް ޕާލަމެންޓް ފޯރ ވިމެންގައި އިންފޮމޭޝަން ކޮމިޝަނަރުގެ އޮފީހުގެ ފަރާތުން މަޢުލޫމާތު ހޯދައި ލިބިގަތުމުގެ ޙައްޤާއި ގުޅޭ ސެޝަންއެއް ނަގައިދީފިއެވެ. ޕްރެކްޓިސް ޕާލަމަންޓަކީ އަންހެނުންނާއި ޒުވާނުންނަށް ޤައުމުގެ ނިންމުންތައް ނިންމުމުގެ މަރުހަލާތަކުގައި އަމަލީ ގޮތުން ބައިވެރިވުމަށް ބާރުއެޅުމުގެ ގޮތުން ޔޫއެންޑީޕީ މޯލްޑިވްސް އަދި ރައްޔިތުންގެ މަޖިލިސް ގުޅިގެން ކޮންމެ އަހަރަކު ކުރިއަށް ގެންދާ ޕްރޮގްރާމެކެވެ  

މި ފަހަރުގެ ޕްރޮގްރާމްގައި ދިވެހިރާއްޖޭގެ އެކި ކަންކޮޅުތަކުން ހޮވައިލެވިގެން ޖުމުލަ 39 ފަރާތަކުން ވަނީ ބައިވެރިވެފައެވެ. 18 ރަށަކުން، ކައުންސިލް މެންބަރުންނާއި، ކައުންސިލް މުވައްޒަފުންނާއި، އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ރައީސާއިންނާއި، އަންހެނުންގެ ތަރައްގީއަށް މަސައްކަތްކުރާ ކޮމިޓީގެ މެންބަރުންނާއި، އާންމު ފަރުދުން ހިމެނޭހެން މި ޕްރޮގްރާމްގައި ބައިވެރިވި ފަރާތްތަކަށް މަޢުލޫމާތުު ހޯދައި ލިބިގަތުމުގެ ޙައްޤު ބޭނުންކޮށްގެން މައުލޫމާތު ހޯދާނެ ގޮތްތަކާއި، މަޢުލޫމާތައް އެދުމުގައި ސަމާލުކަންދޭންވީ ކަންތައްތަކާއި، ހޯދާ މައުލޫމާތުގެ ބޭނުން ހިފާނެ ގޮތްތަކާ ގުޅޭ ގޮތުން ބައިވެރިންނަށް މައުލޫމާތު ފޯރުކޮށްދެވުނެވެ

Session on RTI held for participants of Practice Parliament for Women 2025

"ޕްރެކްޓިސް ޕާލަމެންޓް ފޯރ ވިމެން 2025"ގައި މަޢުލޫމާތު ހޯދައި ލިބިގަތުމުގެ ޙައްޤަށް ހޭލުންތެރިކުރުމުގެ ސެޝަނެއް ބާއްވައިފިި 

އެންޓި-ކޮރަޕްޝަން ކޮމިޝަނުން އިސްނަގައިގެން ސޯޝަލް އޮޑިޓްކުރުމާ ގުޅޭ ގޮތުން ހއ. އަތޮޅުގެ މަދަނީ ޖަމިއްޔާތަކަށް ކުރިއަށް ގެންދުވުނު ތަމްރީން ޕްރޮގްރާމްގައި މަޢުލޫމާތު ހޯދައި ލިބިގަތުމުގެ ޙައްޤާއި ގުޅޭ ގޮތުން އިންފޮމޭޝަން ކޮމިޝަނަރުގެ އޮފީހުން ސެޝަންއެއް ނަގައިދީފިއެވެ.

މަޢުލޫމާތު ހޯދައި ލިބިގަތުމުގެ ޙައްޤަކީ ސޯޝަލް އޮޑިޓަކަށް ބޭނުންވާ މަޢުލޫމާތު އެއްކުރުމަށް ނުހަނު ބޭނުންތެރި ވަސީލަތެއް ކަމުން، ދައުލަތުގެ އިދާރާތަކުން މަޢުލޫމާތު ހޯދާނެ ގޮތްތަކާއި، ހޯދޭނެ މަޢުލޫމާތުތަކާއި، މަޢުލޫމާތައް އެދުމުގައި ސަމާލުކަންދޭންވީ ކަންތައްތަކާ ގުޅޭ ގޮތުން ބައިވެރިންނަށް މައުލޫމާތު ދެވުނެވެ. 

ހއ. ހޯރަފުށީގައި ކުރިއަށް ގެންދެވުނު މި ޕްރޮގްރާމްގައި ހއ. އަތޮޅުގެ 4 މަދަނީ ޖަމިއްޔާއެއް ހިމެނޭހެން، ޖުމުލަ 16 ފަރާތަކުން  ބައިވެރިވެފައިވެއެވެ.

Awareness session held for Ha. Atoll CSOs

ހއ. އަތޮޅުގެ މަދަނީ ޖަމިއްޔާތައް މަޢުލޫމާތު ހޯދައި ލިބިގަތުމުގެ ޙައްޤަށް ހޭލުންތެރިކުރުމަށް ސެޝަނެއް ބާއްވައިފި

ޖަރުމަންވިލާތުގެ ބާލިންގައި 2025 ޖޫން 23 ން 25 އަށް ކުރިއަށް ދިޔަ 16ވަނަ އިންޓަރނޭޝަނަލް ކޮންފަރެންސް އޮފް އިންފޮމޭޝަން ކޮމިޝަނަރސް (އައިސީއައިސީ)ގައި އިންފޮމޭޝަން ކޮމިޝަނަރު އަޙްމަދު އާހިދު ރަޝީދު ބައިވެރިވެވަޑައިގެންފިއެވެ.       
އައިސީއައިސީއަކީ ކޮންމެ އަހަރަކު ބާއްވަމުން އަންނަ މުހިންމު ފޯރަމެކެވެ. މި ފޯރަމްގެ ބޭނުމަކީ އިންފޮމޭޝަން ކޮމިޝަނަރުންނާއި މައުލޫމާތު ހޯދައި ލިބިގަތުމުގެ ޙައްޤުގެ ގާނޫނުތައް ތަންފީޒުކުރުމުގެ ޒިންމާ އުފުލާ އެހެނިހެން ފަރާތްތައް ގުޅުވައިދީ  މައުލޫމާތު ހޯދައި ލިބިގަތުމުގެ ހައްގަކީ އިންސާނީ އަސާސީ ހައްގެއްގެ ގޮތުގައި ކުރިއަރުވައި ރައްކާތެރިކުރުމަށް ބާރުއެޅުމެވެ.    
އިންފޮމޭޝަން ކޮމިޝަނަރު އަޙްމަދު ޢާހިދު ރަޝީދު ވަނީ މި ކޮންފަރެންސްގެ މައިގަނޑު ޕެނަލް ޑިސްކަޝަންތަކުގައި ބައިވެރިވެވަޑައިގެންފައެވެ. މި ކޮންފަރަންސްގެ ސަބަބުން، މައުލޫމާތު ހޯދައި ލިބިގަތުމުގެ ހައްގު ދިވެހިރާއްޖޭގައި އިތުރަށް ހަރުދަނާކުރުމަށް ގިނަ ފުރުސަތުތަކެއް ފަހިވެގެންދާނެއެވެ. އަދި ބައިނަލްއަޤްވާމީ ފެންވަރުގައި އެހެން ގައުމުތަކުގެ ތަޖުރިބާތަކާއި ކާމިޔާބީތަކުން ތަޖުރިބާ ހާސިލްކޮށް ރާއްޖޭގެ ގާނޫނުތަކާއި އުސޫލުތައް އިތުރަށް ހަރުދަނާކުރުމަށް މި ފުރުސަތު ބޭނުންކުރެވޭނެއެވެ.   
މިއަހަރުގެ ކޮންފަރަންސްގެ ޝިއާރެއްގެ ގޮތުގައި ކަނޑައަޅާފައިވަނީ "އެކްސެސް ޓު އެންވަޔަރަމެންޓަލް އިންފޮމޭޝަން އިން ދަ ޑިޖިޓަލް އޭޖް" އެވެ. މިއީ ރާއްޖެއިން މި ކޮންފަރަންސްގައި ބައިވެރިވި 3ވަނަ ފަހަރެވެ. 


Commissioner Participates in the 16th ICIC Conference

16ވަނަ އިންޓަނޭޝަނަލް ކޮންފަރެންސް އޮފް އިންފޮމޭޝަން ކޮމިޝަނަރސްގައި ރާއްޖެއިން ބައިވެރިވެއްޖެ

އިންފޮމޭޝަން ކޮމިޝަނަރުގެ  އޮފީހާއި ތ. އަތޮޅު ކައުންސިލް ގުޅިގެން، މަޢުލޫމާތު ހޯދައި ލިބިގަތުމުގެ ޙައްޤަށް ތ. އަތޮޅުގެ އިދާރާތަކުގެ މުވައްޒަފުން ހޭލުންތެރިކުރުވުމަށް، ތ. ވޭމަންޑޫގައި ތަމްރީން ޕްރޮގްރާމެއް ބާއްވައިފިއެވެ. މި ޕްރޮގްރާމް ބާއްވާފައިވަނީ 2025 ޖޫން 22 ވަނަ ދުވަހުއެވެ.

މި ތަމްރީން ޕްރޮގްރާމަކީ، މަޢުލޫމާތު ހޯދައި ލިބިގަތުމުގެ ޙައްޤުގެ މުހިންމުކަން އަންގައިދިނުމާއި، މި ޙައްޤު ރަނގަޅަށް ބޭނުންކުރުމަށް ބާރުއެޅުމުގެ ގޮތުން ކުރިއަށްގެންދެވުނު ތަމްރީން ޕްރޮގްރާމެކެވެ. މީގެ އިތުރުން މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނުގެ ދަށުން ލިބިދޭ ޙައްޤުތަކާއި، މި ޙައްޤުތައް ބޭނުންކުރާނެ ގޮތްތަކުގެ އިތުރުން ދައުލަތުގެ މުއައްސަސާތަކުގެ ހާމަކަން އިތުރުކުރުމ ގުޅޭ ގޮތުން މައުލޫމާތު ފޯރުކޮށްދެވުނެވެ.

މި ޕްރޮގްރާމްގައި ތ. އަތޮޅުގެ އެކި ރަށްތަކުން ޖުމުލަ 36 މުވައްޒަފުން ބައިވެރިވިއެވެ.

Training program held in Th. Veymandoo

ތ. ވޭމަންޑޫގައި މަޢުލޫމާތު ހޯދައި ލިބިގަތުމުގެ ޙައްޤާ ގުޅޭ ތަމްރީން ޕްރޮގްރާމެއް ބާއްވައިފި

މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނު ތަންފީޒުކުރުން ހަރުދަނާކުރުމުގެ މަގުސަދުގައި އިންފޮމޭޝަން ކޮމިޝަނަރުގެ އޮފީހާއި ޓްރާންސްޕޭރަންސީ މޯލްޑިވްސްއާއި ބައިނަލްއަގްވާމީ ޖަމިއްޔާއެއްކަމުގައިވާ ސެންޓަރ ފޯރ ލޯ އެންޑް ޑިމޮކްރަސީ (ސީ.އެލް.ޑީ.) ގުޅިގެން ކުރިއަށް ގެންދާ ހަރަކާތްތަކުގެ ދަށުން ޓްރެއިނިންގ އޮފް ޓްރެއިނަރސް (ޓީ.އޯ.ޓީ.) އެއް ބާއްވައިފިއެވެ. ޖުމުލަ 32 މީހުންނާ އެކު ކުރިއަށްގެންދެވުނު މި ޓީއޯޓީގައި ބައިވެރިވެފައިވަނީ އެކިއެކި ތަމްރީންތައް ދިނުމަށް އުފައްދާފައިވާ އިންސްޓިޓިއުޓްތަކާއި އެކެޑަމީތަކުންގެ އިތުރުން މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނާ ގުޅުން ހުރި އިދާރާތަކާއި ޖަމުއިއްޔާތަކުންނެވެ. މި ޕްރޮގްރާމްގެ މަގުސަދަކީ މި ތަންތަނުން ހިންގާ ޓްރެއިނިންގ ޕްރޮގްރާމްތަކުގެ ތެރޭގައި މަޢުލޫމާތު ހޯދައި ލިބިގަތުމުގެ ޙައްޤާ ބެހޭ ތަމްރީންތައް ހިމެނުމާއި އެފަދަ ތަމްރީންތައް ދެވޭނެ މުދައްރިބުން އުފެއްދުމެވެ.  

2025 މޭ 5-7 އަށް ކުރިއަށްގެންދެވުނު މި މަސައްކަތު ބައްދަލުވުމުގައި މަޢުލޫމާތު ފޯރުކޮށްދެއްވާފައިވަނީ މަޢުލޫމާތު ހޯދައި ލިބިގަތުމުގެ ޙައްޤާ ގުޅޭ ބައިނަލްއަޤްވާމީ މާހިރެއް ކަމަށްވާ ސެންޓަރ ފޮރ ލޯ އެންޑް ޑިމޮކްރަސީގެ އެގްޒެކެޓިވް ޑިރެކްޓަރ ޓޯބީ މެންޑަލްއެވެ. 

ToT on RTI held for training institutions

މަޢުލޫމާތު ހޯދައި ލިބިގަތުމުގެ ޙައްޤާ ގުޅޭ ގޮތުން ތަމްރީނުދޭނެ މުދައްރިބުން އުފެއްދުމުގެ މަސައްކަތު ބައްދަލުވުމެއް ބާއްވައިފި

މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނު ތަންފީޒުކުރުން ހަރުދަނާކުރުމުގެ މަގުސަދުގައި ގާނޫނީ ވަކީލުންނަށް ޚާއްސަކޮށްގެން 2025 މޭ 4ވަނަ ދުވަހު މަސައްކަތު ބައްދަލުވުމެއް ބާއްވައިފިއެވެ. މި މަސައްކަތު ބައްދަލުވުމަކީ އިންފޮމޭޝަން ކޮމިޝަނަރުގެ އޮފީހާއި، ދިވެހި ރާއްޖޭގެ ބާ ކައުންސިލާއި، ޓްރާންސްޕޭރަންސީ މޯލްޑިވްސްއާއި ސެންޓަރ ފޯރ ލޯ އެންޑް ޑިމޮކްރަސީ ގުޅިގެން ބޭއްވި މަސައްކަތު ބައްދަލުވުމެކެވެ،. 

މި މަސައްކަތު ބައްދަލުވުމުގެ މައިގަނޑު މަގުސަދަކީ ޤާނޫނީ ވަކީލުންނަކީ މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނީ އޮނިގަނޑަށް ފުރިހަމައަށް އަހުލުވެރިވެ، އެ އޮނިގަނޑުގެ މައްޗަށް ޢަމަލުކުރުމުގެ ގާބިލުކަން ލިބިފައިވާ ބަޔަކަށް ހެދުމެވެ. މީގެ އިތުރުން، ޤާނޫނީ ވަކީލުންގެ މަސައްކަތުގެ ތެރެއިން މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނާ ގުޅޭ ގޮތުން ވަކާލާތުކޮށް، އެ ޙައްޤުގެ ބޭނުން އެންމެ ފުރިހަމަ ގޮތުގައި ހިފުމަށް ބޭނުންވާ މަޢުލޫމާތާއި ހުނަރު ފޯރުކޮށްދީ، ޤާނޫނަށް އަހުލުވެރިކުރުވުމަކީ ވެސް މި ޕްރޮގްރާމްގެ މުހިންމު މަގުސަދެކެވެ.  ޖުމުލަ 21 ޤާނޫނީ ވަކީލުން ބައިވެރިވެފައިވާ މި މަސައްކަތު ބައްދަލުވުމުގައި މަޢުލޫމާތު ފޯރުކޮށްދެއްވާފައިވަނީ މަޢުލޫމާތު ހޯދައި ލިބިގަތުމުގެ ޙައްޤާ ގުޅޭ ބައިނަލްއަގުވާމީ މާހިރެއް ކަމަށްވާ ސެންޓަރ ފޮރ ލޯ އެންޑް ޑިމޮކްރަސީގެ އެގްޒެކެޓިވް ޑިރެކްޓަރ ޓޯބީ މެންޑަލްއެވެ. 

Training on RTI held for legal professionals

މަޢުލޫމާތު ހޯދައ ލިބިގަތުމުގެ ޙައްޤުގެ ޤާނޫނަށް އަހުލުވެރިކުރުމަށް ޤާނޫނީ ވަކީލުންނަށް ޚާއްސަ މަސައްކަތު ބައްދަލުވުމެއް ބާއްވައިފި

ވޭތުވެދިޔަ އަހަރުތަކަށް ބަލާއިރު، މިދިޔަ 2024ވަނަ އަހަރު  އިންފޮމޭޝަން ކޮމިޝަނަރުގެ އޮފީހަށް ގިނަ މައްސަލަތަކެއް ހުށަހެޅިފައިވެއެވެ. އެއީ ޖުމުލަ 666 މައްސަލައެވެ. އޭގެތެރެއިން ރަޖިސްޓްރީ ކުރެވިފައިވަނީ 566 މައްސަލައެވެ. އެހެންކަމުން 2023 އާއި 2024ވަނަ އަހަރާ އަޅައި ބަލާއިރު، 2024ވަނަ އަހަރު ރަޖިސްޓްރީކުރެވުނު ޖުމުލަ މައްސަލަތަކުގެ އަދަދު 61 އިންސައްތަ މި ވަނީ އިތުރުވެފައެވެ. 2024ވަނަ އަހަރު ރަޖިސްޓްރީކުރެވިފައިވާ މައްސަލަތަކުގެ ތެރެއިން ގިނަ މައްސަލަތަކަކީ މައުލޫމާތު ހޯދުމަށް ހުށަހަޅާ ހުށަހެޅުންތަކަށް އިދާރާތަކުން އިޖާބަދިނުމަށް ޤާނޫނުގައި ކަނޑައަޅާފައިވާ މުއްދަތުގެ ތެރޭގައި އެ ހުށަހެޅުން ލިބިފައިވާ އިދާރާތަކުން އެއްގޮތަކަށް ވެސް އިޖާބަދީފައިނުވާތީ ހުށަހެޅި ޝަކުވާތަކެވެ.    

އިންފޮމޭޝަން ކޮމިޝަނަރުގެ އޮފީހުން 2024ވަނަ އަހަރު ހިންގާފައިވާ ހަރަކާތްތަކަށް ބަލާއިރު މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނާ ގުޅޭ ގޮތުން ދައުލަތުގެ އިދާރާތަކުގެ މުވައްޒަފުންނަށް ތަމްރީން ޕްރޮގްރާމްތައް ހިންގުމުގެ އިތުރުން އާންމުން ހޭލުންތެރިކުރުމުގެ ހަރަކާތްތައް ވެސް ކުރިއަށް ގެންދެވުނެވެ. މި ގޮތުން 39 ތަމްރީނު ޕްރޮގްރާމާއި ހޭލުންތެރިކުރުމުގެ 9 ޕްރޮގްރާމެއް ކުރިއަށްގެންދެވުނެވެ. މި ހަރަކާތްތަކުގައި ޖުމުލަ 173 އިދާރާއަކުން 944 މީހުން ބައިވެރިވެފައިވެއެވެ. ބައިވެރިންގެ ތެރޭގައި 141 އިންފޮމޭޝަން އޮފިސަރުން ހިމެނެއެވެ.  މީގެ އިތުރުން އެހެނިހެން އިދާރާތަކާއި ޖަމުއިއްޔާ ޖަމާއަތްތަކުގެ އެހީތެރިކަމާ އެކު ވެސް ގިނަ ހަރަކާތްތަކެއް ހިންގިފައިވެއެވެ.  

އިންފޮމޭޝަން ކޮމިޝަނަރުގެ އޮފީހުގެ މައްސޫލިއްޔަތު އަދާކުރުމުގައި ދިމާވެފައިވާ ގޮންޖެހުންތަކުގެ ގޮތުގައި ފާހަގަކުރެވިފައިވާ ކަންކަމުގެ ތެރޭގައި  އޮފީހުގެ އިމާރާތުގެ ހާލަތު ފާހަގަކޮށްލެވެއެވެ.  އޮފީސް އިމާރާތުގެ އެކި ހިސާބުތަކަށް ފެން ފޭބުމާއި މޯލްޑް ޖެހުމުގެ ސަބަބުން އޮފީސް މާހައުލަކީ، މިހާރު ސިއްހީ ގޮތުން މުވައްޒަފުންނަށް އެކަށީގެންވާ މާހައުލަކަށް ނުވެއެވެ.   

ހަމަ އެއާ އެކު، އިންފޮމޭޝަން ކޮމިޝަނަރުގެ އޮފީހަށް ހުށަހެޅޭ މައްސަލަތައް އަހަރުން އަހަރަށް އިތުރުވަމުން ދާއިރު، މައްސަލަތައް ބެލުމާއި، މައްސަލަތައް ދިރާސާކުރުމަށް އެކަށީގެންވާ އަދަދަށް މުވައްޒަފުންނެތްކަން ފާހަގަ ކުރެވެއެވެ.   

މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނުގައި ދައުލަތުގެ އިދާރާތަކުން އަމިއްލަ އިސްނެގުމުގެ މަތިން  މައުލޫމާތު ހާމަކުރުން ލާޒިމުކޮށްފައިވީ ނަމަވެސް މިކަމަށް ގިނަ އިދާރާތަކުން މާބޮޑު އަހަންމިއްޔަތުކަމެއް ނުދޭކަން ފާހަގަ ކުރެވެއެވެ. ޤާނޫނުގައި ބަޔާންކޮށްފައިވާ މިންވަރަށް އަމިއްލަ އިސްނެގުމުގެ މަތިން ހާމަކުރަންޖެހޭ މައުލޫމާތު މިހާތަނަށް ހާމަކޮށްފައިވަނީ ދައުލަތުގެ އެންމެ 11 އިދާރާއިންނެވެ.   

މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނު ތަންފީޒު ކުރުމަށް އިދާރާތަކުން ދޭންވާ އަހަންމިއްޔަތުކަން ނުދިނުމަކީ ވެސް ދިމާވެފައިވާ ވަރަށް ބޮޑު ގޮންޖެހުމެކެވެ. އެ ގޮތުން އިދާރާތަކަށް ހުށަހެޅޭ ހުށަހެޅުންތަކަށް އެއްވެސް ޖަވާބެއްފޯރުކޮށް ނުދިނުމާއި، މުރާޖާކުރުމަށް ހުށަހެޅޭ ހުށަހެޅުންތަކަށް ވެސް އެއްވެސް ޖަވާބެއް ނުދިނުމަކީ އިންފޮމޭޝަން ކޮމިޝަނަރަށް ހުށަހެޅޭ މައްސަލަތައް އިތުރުވުމުގެ މައިގަނޑު ސަބަބުކަން ފާހަގަކުރެވެއެވެ. އަދި ހުށަހެޅިފައިވާ ހުށަހެޅުމަށް ޖަވާބުދިނުމުގައި ޤާނޫނުގައި މައުލޫމާތު ފޯރުކޮށް ދިނުމުގެ ޒިންމާ އުފުލަންޖެހޭ އިންފޮމޭޝަން އޮފިސަރުން ހުށަހެޅޭ ހުށަހެޅުމަށް ގޮތްނިންމުމުގައި އިދާރާގެ އިސްވެރިން ބައިވެރިކުރަންޖެހުމަކީ ޤާނޫނުގައި ކަނޑައަޅާފައިވާ މުއްދަތަށް މައުލޫމާތު ފޯރުކޮށްދިނުމަށް ދިމާވާ އެންމެ ބޮޑު އެއް ދަތިކަން ދަނީ ފާހަގަކުރެވެމުންނެވެ. 

Highlights of ICOM's Annual Report 2024

އައިކޮމްގެ 2024ގެ އަހަރީ ރިޕޯޓުން ފާހަގަ ކުރެވުނު ބައެއް ކަންކަން

އިންފޮމޭޝަން ކޮމިޝަނަރުގެ އޮފީހުން ކުރިއަށްގެންދާ މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނަށް ހޭލުންތެރިކުރުމުގެ ސިލްސިލާ ތަމްރީން ޕްރޮގްރާމްގެ ތެރެއިން 2025 ފެބުރުވަރީ 2 ވަނަ ދުވަހު މ. ދިއްގަރުގައި ތަމްރީނު ޕްރޮގްރާމެއް ބާއްވައިފިއެވެ.   

މި ތަމްރީން ޕްރޮގްރާމަކީ މ.ދިއްގަރު ކައުންސިލާ ގުޅިގެން، އެ ކައުންސިލްގެ އެހީތެރިކަމާ އެކު ކުރިއަށްގެންދެވުނު ޕްރޮގްރާމެކެވެ. ޖުމުލަ 26 މީހުން ބައިވެރިވެފައިވާ މި ޕްރޮގްރާމް އަމާޒުކޮށްފައިވަނީ މ. ދިއްގަރު، މަޑުއްވަރި، ވޭވަށް، މުލި، ރަތްމަންދޫ އަދި ނާލާފުށީގެ ރަށު ކައުންސިލްތަކާއި، ސްކޫލްތަކާއި، މެޖިސްޓްރޭޓް ކޯޓުތަކާއި އަދި ހެލްތު ސެންޓަރުތަކުގެ މުވައްޒަފުންގެ އިތުރުން އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ މެންބަރުނަށެވެ. 
  
މި ތަމްރީން ޕްރޮގްރާމްގެ މަޤްޞަދަކީ މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނަށް ރައްޔިތުން ހޭލުންތެރިކުރުވުމާއި، ދައުލަތުގެ އިދާރާތަކުން މަޢުލޫމާތު ދޫކުރުމުގައި ޢަމަލުކުރަންޖެހޭ އުސޫލުތަކާ ބެހޭ ގޮތުން ހޭލުންތެރިކުރުމެވެ. މި ފަދަ ތަމްރީން ޕްރޮގްރާމްތައް އެހެން އަތޮޅުތަކުގައި ވެސް ކުރިއަށް އޮތް ތަނުގައި ބޭއްވުމަށް ވަނީ ރޭވިފައެވެ.    

ފަހުގެ ޚަބަރުތަކާއި ހަރަކާތްތައް

ހަރަކާތްތަކުގެ ފޮޓޯ