ލިޔުންތައް

• ICOM-A-2024-56 Report-1738638885356.pdf

2021 ވަނަ އަހަރު ކޮވިޑް ވެކްސިން ޖަހަން ބޭނުންވި މުވައްޒަފުން ވަޒީފާއަށް ނުކުތުމުގައި ޕީ.ސީ.އާރު ޓެސްޓް ހުށަހެޅި މުވައްޒަފުންގެ އަދަދާއި 2021 ވަނަ އަހަރުން ފެށިގެން މިއަދާ ހަމައަށް މަރުވެފައިވާ މުވައްޒަފުންގެ މަޢުލޫމާތު (އުމުރު، ޖިންސު، މަރުވި ތާރީޚު އަދި ކޮވިޑް ވެކްސިން ޖަހާފައިވޭތޯ) ހޯދުމަށް އެދި ހުށަހަޅާފައިވެއެވެ. ހޯދުމަށް އެދިފައިވާ 2021 ވަނަ އަހަރު ކޮވިޑް ވެކްސިން ޖަހަން ބޭނުންވި މުވައްޒަފުން ވަޒީފާއަށް ނުކުތުމުގައި ޕީ.ސީ.އާރު. ޓެސްޓް ހުށަހެޅި އެއްވެސް މުވައްޒަފެއް ނެތްކަމަށް އިދާރާއިން ސާފުކޮށްދީފައިވާތީއާއި މުރާޖާ ކޮމެޓީން ދީފައިވާ ޖަވާބުން އެނގެން އޮތަތީ މި މަޢުލޫމާތު ފޯރުކޮށްދީފައިވާކަމަށް ކަނޑައަޅާފައިވެއެވެ.

މީގެ އިތުރުން، މަރުވެފައިވާ މުވައްޒަފުންގެ އުމުރު، ޖިންސު، މަރުވި ތާރީޚު އަދި ކޮވިޑް ވެކްސިން ޖަހާފައިވޭތޯ މި މަޢުލޫމާތަކީ ތިންވަނަ ފަރާތެއްގެ ޒާތީ މަޢުލޫމާތެއްކަމަށް ރައްދުވާ އިދާރާގެ އިންފޮމޭޝަން އޮފިސަރު އަދި މުރާޖާ ކޮމެޓީގެ ޖަވާބުންނާއި މި އިލްތިމާސްއާ ގުޅިގެން ބޭއްވުނު ބައްދަލުވުމުގައި ފާހަގަކޮށްފައިވެއެވެ. އެހެންނަމަވެސް، މި މަޢުލޫމާތަކީ ޤާނޫނުގައި ބަޔާންކުރާފަދަ ތިންވަނަ ފަރާތެއްގެ ޒާތީ މަޢުލޫމާތެއްކަމަށް ނުބެލެވޭތީ މި މަޢުލޫމާތު ހުށަހެޅި ފަރާތަށް ދޫކުރުމަށް އަންގައި މި އިލްތިމާސް ނިންމާފައިވެއެވެ.

މައްސަލަ ބަލައި ނިންމި ގޮތް

ހަވާލާދެވިފައިވާ އިލްތިމާސްއާ ގުޅިގެން ހުށަހަޅާފައިވާ ލިޔެކިޔުންތަކާއި ބޭއްވުނު ބައްދަލުވުމުގައި ފާހަގަކުރެވުނު ކަންކަމަށް ރިޢާޔަތްކުރުމުން، 6.1 ވަނަ ނުކުތާގައި ހޯދުމަށް އެދިފައިވާ 2021 ވަނަ އަހަރު ކޮވިޑް ވެކްސިން ޖަހަން ބޭނުންވި މުވައްޒަފުން ވަޒީފާއަށް ނުކުތުމުގައި ޕީ.ސީ.އާރު. ޓެސްޓް ހުށަހެޅި އެއްވެސް މުވައްޒަފެއް ނެތްކަމަށް އިދާރާއިން ސާފުކޮށްދީފައިވާތީއާއި މުރާޖާ ކޮމެޓީން ދީފައިވާ ޖަވާބުން އެނގެން އޮތަތީ ބުނެވުނު މައުލޫމާތު ފޯރުކޮށްދީފައިވާކަމަށް ކަނޑައަޅަމެވެ.

މީގެ އިތުރުން، 6.2 ވަނަ ނުކުތާގައި އެދިފައިވާ 2021 ވަނަ އަހަރުން ފެށިގެން މަޢުލޫމާތަށް އެދި ހުށަހެޅި ތާރީހާ ހަމައަށް މަރުވެފައިވާ މުވައްޒަފުންގެ އުމުރާއި، ޖިންސާއި، މަރުވި ތާރީހަކީ ޤާނޫނު ނަންބަރު 2014/1 (މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނު)ގެ 23 ވަނަ މާއްދާ (ތިންވަނަ ފަރާތެއްގެ ޒާތީ މަޢުލޫމާތު) ގެ ދަށުން ދޫނުކޮށް ހިފެހެއްޓޭނެ މަޢުލޫމާތެއް ނޫންކަމަށް ކަނޑައަޅައި މި މަޢުލޫމާތު ރަސްމީ 5 (ފަހެއް) ދުވަހުގެ ތެރޭގައި ހުށަހެޅި ފަރާތަށް ދޫކުރުމަށް އަންގައި މި އިލްތިމާސް ނިންމައިފީމެވެ.

ލިޔުންތައް

• ICOM-C-2024-464 Report-1737871018615.pdf

އިގުތިސާދު ރިފޯމް އެޖެންޑާގެ ދަށުން ރައީސުލްޖުމްހޫރިއްޔާ ވަކިކުރަން ނިންމާފައިވާ މުވައްޒަފުންގެ މަޢުލޫމާތު ހޯދުމަށް އެދި ރައީސުލްޖުމްހޫރިއްޔާގެ އޮފީހަށް ހުށަހެޅުމެއް ހުށަހަޅާފައި ވެއެވެ. މި މައުލޫމާތަކީ ތިންވަނަ ފަރާތެއްގެ ޒާތީ މައުލޫމާތު ކަމަށް ފާހަގަކޮށް މި މައުލޫމާތު ދޫނުކުރުމަށް ރައީސުލަޖުމްހޫރިއްޔާގެ އޮފީހުން ވަނީ ކަނޑައަޅާފައެވެ. އެހެން ނަމަވެސް ހޯދަން އެދިފައިވާ މަޢުލޫމާތުގެ ތެރެއިން މަގާމުތަކުން ވަކިކުރަން ނިންމާފައިވާ ފަރާތްތަކުގެ އެޑްރެސް ފިޔަވައި ދެންހުރި މައުލޫމާތަކީ އެ މައުލޫމާތެއް ހާމަނުކުރުމުން ރައްކާތެރިކުރެވޭ މަސްލަހަތަށްވުރެ އެ މައުލޫމާތު ހާމަކުރުމުން ރައްކާތެރިކުރެވޭ މަސްލަހަތު ބޮޑު މައުލޫމާތަކަށްވާތީ އެ މައުލޫމާތު ދޫކުރުމަށް ރައީސުލްޖުމްހޫރިއްޔާގެ އޮފީހަށް އެންގުނެވެ.

މައްސަލަ ބަލައި ނިންމި ގޮތް

މި ޝަކުވާއާ ގުޅިގެން މި އޮފީހަށް ހުށަހަޅާފައިވާ ލިޔެކިޔުންތަކާއި ބޭއްވުނު ބައްދަލުވުމުގައި ފާހަގަކުރެވުނު ކަންކަމަށް ރިއާޔަތްކުރުމަށް ފަހު، ހޯދުމަށް އެދިފައިވާ މަޢުލޫމާތުގެ ތެރެއިން ވަކިކުރުމަށް ނިންމާފައިވާ މުވައްޒަފުންގެ އެޑްރެސްއަކީ ޤާނޫނު ނަންބަރު 2014/1 (މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނު) ގެ 23 ވަނަ މާއްދާގެ ދަށުން ދޫނުކޮށް ހިފެހެއްޓޭނެ މަޢުލޫމާތެއް ކަމުގައި ކަނޑައަޅަމެވެ.

މީގެ އިތުރުން، ޤާނޫނު ނަންބަރު 2014/1 (މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނު) ގެ 23 ވަނަ މާއްދާގެ ދަށުން ސިޔާސީ މުވައްޒަފުންގެ ނަމާއި، މަޤާމާއި، ވަޒީފާއަދާކުރަމުންއައި ތަނާއި އެފަރާތްތަކުގެ މުސާރައަކީ ޒާތީ މަޢުލޫމާތުކަމަށް އިދާރާއިން ފާހަގަކުރިކަމުގައިވީނަމަވެސް، އެ ޤާނޫނުގެ 20 ވަނަ މާއްދާގެ (ހ) ގެ އަލީގައި ހޯދުމަށް އެދިފައިވާ މަޢުލޫމާތު ދިނުމަކީ މުޅި ރައްޔިތުންގެ މަސްލަހަތު މާ ރަނގަޅަށް ހާސިލުވާނެ ކަމެއް ކަމުގައި، އަދި އެ މަޢުލޫމާތު ހާމަނުކުރުމުން ރައްކާތެރިކުރެވޭ މަސްލަހަތަށްވުރެ އެ މައުލޫމާތު ހާމަކުރުމުން ރާއްކާތެރިކުރެވޭ މަސްލަހަތު ބޮޑުކަމަށް ކަނޑައަޅައި، އެ މައުލޫމާތު ރަސްމީ 5 (ފަސް) ދުވަހުގެ ތެރޭގައި މަޢުލޫމާތު ހޯދުމަށް އެދި ހުށަހެޅި ފަރާތަށް ދޫކުރުމަށް އަންގައި މި ޝަކުވާ ނިންމައިފީމެވެ.

ލިޔުންތައް

• ICOM-C-2024-476 Report-1737870725459.pdf

އިގުތިސާދީ އިސްލާހީ ފިޔަވަޅުތަކުގެ ދަށުން، 228 ސިޔާސީ ބޭފުޅުން މަޤާމުތަކުން ވަކިކުރަން އަންގާފައިވާކަމަށް ރައީސުލްޖުމްހޫރިއްޔާ ވިދާޅުވެފައިވާތީ އެ ފަރާތްތަކުގެ ތަފުސީލު ހޯދުމަށް އެދި ރައީސުލްޖުމްހޫރިއްޔާގެ އޮފީހަށް ހުށަހެޅުމެއް ހުށަހަޅާފައި ވެއެވެ. މި ހުށަހެޅުމުގައި އެދިފައިވާ މަޢުލޫމާތުގެ ތެރެއިން އައްޔަނުކޮށްފައިވާ ފަރާތްތަކުގެ އެޑްރެސްއަކީ ޒާތީ މަޢުލޫމާތެއް ކަމަށް ކަނޑައެޅުނެވެ. އެހެންނަމަވެސް، ހޯދުމަށް އެދިފައިވާ ވަކިކުރެވުނު ފަރާތްތަކުގެ ނަން، ވަކިކުރެވުނު ތާރީޚު އަދި ވަޒީފާ އަދާކުރަމުން އައި ވުޒާރާ މި މަޢުލޫމާތަކީ އާންމު މަސްލަހަތަށް ރިޢާއަތްކުރާއިރު، ޤާނޫނުގެ ދަށުން ނުދީ ހިފެހެއްޓޭނެ މަޢުލޫމާތެއް ނޫންކަމުގައި ކަނޑައަޅައި އެ މަޢުލޫމާތު ހުށަހެޅި ފަރާތަށް ދޫކުރުމަށް އަންގާފައި ވެއެވެ.

މައްސަލަ ބަލައި ނިންމި ގޮތް

މި ޝަކުވާއާ ގުޅިގެން މި އޮފީހަށް ހުށަހަޅާފައިވާ ލިޔެކިޔުންތަކާއި ބޭއްވުނު ބައްދަލުވުމުގައި ފާހަގަކުރެވުނު ކަންކަމަށް ރިއާޔަތްކުރުމަށް ފަހު، ހޯދުމަށް އެދިފައިވާ މަޢުލޫމާތުގެ ތެރެއިން އިގުތިސާދީ އިސްލާހީ ފިޔަވަޅުތަކުގެ ދަށުން، 228 ސިޔާސީ ބޭފުޅުން މަޤާމުތަކުން ވަކިކުރަން ނިންމާފައިވާ ފަރާތްތަކުގެ އެޑްރެސްއަކީ ޤާނޫނު ނަންބަރު: 2014/1 (މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނު)ގެ 23 ވަނަ މާއްދާގެ ދަށުން ޒާތީ މަޢުލޫމާތެއްކަމަށް ކަނޑައަޅަމެވެ.

މީގެ އިތުރުން، ޤާނޫނު ނަންބަރު 2014/1 (މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނު) ގެ 23 ވަނަ މާއްދާގެ ދަށުން ސިޔާސީ މުވައްޒަފުންގެ ނަމާއި، މަޤާމާއި، ވަޒީފާއަދާކުރަމުން އައި ތަނާއި އަދި ވާޒީފާއިން ވަކިކުރި ތާރީޚަކީ ޒާތީ މަޢުލޫމާތުކަމަށް އިދާރާއިން ފާހަގަކުރިކަމުގައިވީނަމަވެސް، އެ ޤާނޫނުގެ 20 ވަނަ މާއްދާގެ (ހ) ގެ އަލީގައި ހޯދުމަށް އެދިފައިވާ މަޢުލޫމާތު ދިނުމަކީ މުޅި ރައްޔިތުންގެ މަސްލަހަތު މާ ރަނގަޅަށް ހާސިލުވާނެ ކަމެއް ކަމުގައި، އަދި އެ މަޢުލޫމާތު ހާމަނުކުރުމުން ރައްކާތެރިކުރެވޭ މަސްލަހަތަށްވުރެ އެ މައުލޫމާތު ހާމަކުރުމުން ރާއްކާތެރިކުރެވޭ މަސްލަހަތު ބޮޑުކަމަށް ކަނޑައަޅައި، އެ މައުލޫމާތު ރަސްމީ 5 (ފަސް) ދުވަހުގެ ތެރޭގައި މަޢުލޫމާތު ހޯދުމަށް އެދި ހުށަހެޅި ފަރާތަށް ދޫކުރުމަށް އަންގައި މި ޝަކުވާ ނިންމައިފީމެވެ.

ލިޔުންތައް

• President's Office (ICOM-C-2024-457)- Report-1740024388785.pdf

އިގުތިސާދީ އިސްލާހީ ފިޔަވަޅުތަކުގެ ދަށުން، 228 ސިޔާސީ ފަރާތްތަކުގެ މަޤާމުތަކުން ވަކިކުރަން އަންގާފައިވާކަމަށް ރައީސުލްޖުމްހޫރިއްޔާ ބުނެފައިވާތީ އެ ފަރާތްތަކުގެ ތަފުސީލު ހޯދުމަށް އެދި ރައީސުލްޖުމްހޫރިއްޔާގެ އޮފީހަށް ހުށަހެޅުމެއް ހުށަހަޅާފައި ވެއެވެ. މި ހުށަހެޅުމުގައި އެދިފައިވާ މަޢުލޫމާތަކީ އާންމު މަސްލަހަތަށް ރިޢާއަތްކޮށް ޤާނޫނުގެ ދަށުން ނުދީ ހިފެހެއްޓޭނެ މަޢުލޫމާތެއް ނޫންކަމަށް ކަނޑައަޅައި އެ މަޢުލޫމާތު ހުށަހެޅި ފަރާތަށް ދޫކުރުމަށް އަންގާފައި ވެއެވެ.

މައްސަލަ ބަލައި ނިންމި ގޮތް

މި ޝަކުވާއާ ގުޅިގެން މި އޮފީހަށް ހުށަހަޅާފައިވާ ލިޔެކިޔުންތަކާއި ބޭއްވުނު ބައްދަލުވުމުގައި ފާހަގަކުރެވުނު ކަންކަމަށް ރިއާޔަތްކުރާއިރު، ޤާނޫނު ނަންބަރު 2014/1 (މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނު) ގެ 23 ވަނަ މާއްދާގެ ދަށުން ސިޔާސީ މުވައްޒަފުންގެ ނަމާއި، މަޤާމާއި، މުސާރައާއި ވަޒީފާއަދާކުރަމުން އައި ތަނަކީ ޒާތީ މަޢުލޫމާތުކަމަށް އިދާރާއިން ފާހަގަކުރިކަމުގައިވީނަމަވެސް، އެ ޤާނޫނުގެ 20 ވަނަ މާއްދާގެ (ހ) ގެ އަލީގައި ހޯދުމަށް އެދިފައިވާ މަޢުލޫމާތު ދިނުމަކީ މުޅި ރައްޔިތުންގެ މަސްލަހަތު މާ ރަނގަޅަށް ހާސިލުވާނެ ކަމެއް ކަމުގައި، އަދި އެ މަޢުލޫމާތު ހާމަނުކުރުމުން ރައްކާތެރިކުރެވޭ މަސްލަހަތަށްވުރެ އެ މައުލޫމާތު ހާމަކުރުމުން ރާއްކާތެރިކުރެވޭ މަސްލަހަތު ބޮޑުކަމަށް ކަނޑައަޅައި، ހޯދަން އެދުނު މައުލޫމާތު ރަސްމީ 5 (ފަހެއް) ދުވަހުގެ ތެރޭގައި މަޢުލޫމާތު ހޯދުމަށް އެދި ހުށަހެޅި ފަރާތަށް ދޫކުރުމަށް އަންގައި މި ޝަކުވާ ނިންމައިފީމެވެ.

ލިޔުންތައް

• ICOM-A-2024-47 Report-1737870865228.pdf

ކ.މާފުށީ ސްކޫލުގައި ކިޔެވި ދަރިވަރުންގެ އަދަދާއި، ހާޒިރީއާ ބެހޭ މައުލޫމާތާއި، ދަރިވަރުން ސްކޫލުން ވަކިވުމާބެހޭ މައުލޫމާތު ހޯދުމަށް އެދި މިނިސްޓްރީ އޮފް އެޑިއުކޭޝަނަށް ހުށަހެޅުމަށް ހުށަހަޅާފައިވެއެވެ. މި މައުލޫމާތު ހޯދުމަށް ކ.މާފުށީ ސްކޫލަށް ހުށަހަޅައިގެން ކުރިއަށްގެންދިއުމަށް މިނިސްޓްރީން ޖަވާބުދިނުމުން، އެގޮތަށް އެ ސްކޫލަށް ހުށަހެޅުމުން އެ ސްކޫލުން ބުނެފައިވަނީ މިނިސްޓްރީއަށް ހުށަހެޅުމަށެވެ. މިކަން މުރާޖާކޮށްދިނުމަށް އެދި މިނިސްޓްރީގެ މުރާޖާ ކޮމިޓީއަށް ހުށަހެޅުމުން އެ ކޮމިޓީން ބުނެފައިވަނީ، ހޯދަން އެދުނު މައުލޫމާތު ދޫކުރަނީ ހަމައެކަނި ރިސަރޗް ބޭނުމަށް ކަމަށްވާތީ އެކަމަށް އޮންނަ ވަކި ފޯމަކުން ހުށަހެޅުމަށެވެ. މި މައްސަލަ އިންފޮމޭޝަން ކޮމިޝަނަރަށް ހުށަހެޅުމުން، އޭގެ ފަހުން މިނިސްޓްރީން ދީފައިވާ ޖަވާބެއްގައި ބުނެފައިވަނީ ހޯދަން އެދިފައިވާ މައުލޫމާތު އެދިފައިވާ ގޮތަށް މިނިސްޓްރީގައި ބެލެހެއްޓިފައިނުވާ ކަމަށެވެ. ނަމަވެސް ސްކޫލްތަކުގައި ކިޔަވާ އަދި ސްކޫލްތަކުން ވަކިވާ ދަރިވަރުންނާއި، ކިޔަވައިދޭ ގްރޭޑްތައް އަދި ދަރިވަރުންގެ ހާޒިރީއާ ގުޅޭ ޖުމްލަ ތަފާސްހިސާބުތަކަކީ މިނިސްޓްރީގެ އަހަރީ ރިޕޯޓުތަކާއި، މިނިސްޓްރީގެ ވެބްސައިޓުގައި ވެސް އާންމުކޮށް ޝާއިޢުކުރެވިފައިވާ އަދި ޝާއިޢުކުރެވޭ މައުލޫމާތުކަމަށްވެފައި، މިފަދަ މައުލޫމާތު ބެލެހެއްޓުމާއި، އާންމުކުރުން އަދި އެ މައުލޫމާތަށް އެދޭ ފަރާތްތަކަށް އެ މައުލޫމާތު ފޯރުކޮށްދިނުމަކީ މިނިސްޓްރީގެ މެންޑޭޓުގައި ވެސް ހިމެނޭ ކަންކަން ކަމުގައިވުމާއެކު، މި މައުލޫމާތަކީ މިނިސްޓްރީގައި ބެލެހެއްޓިފައި ހުންނަންޖެހޭ މައުލޫމާތު ކަމުގައި ބެލެވޭތީ، އަދި އެދިފައިވާ މައުލޫމާތުގެ ތެރޭގައި ޤާނޫނު ނަންބަރު: 2014/1 (މަޢުލޫމާތު ހޯދައި ލިބިގަތުމުގެ ޙައްޤު) ގެ ދަށުން ދޫނުކޮށް ހިފެހެއްޓޭނެ މަޢުލޫމާތެއް ހުރި ކަމުގައި ނުބެލެވޭތީ، މައުލޫމާތަށް އެދި ހުށަހަޅާފައިވާ ހުށަހެޅުމުގައި ހިމެނޭ ކޮންމެ ނުކުތާއެއްގައި އެދިފައިވާ މައުލޫމާތު އިދާރާގައި ބެލެހެއްޓިފައި ހުރިކަން ނުވަތަ ނޫންކަން ސާފުކޮށްދިނުމަށާއި، އިދާރާގައި ހުރި މައުލޫމާތު ރަސްމީ 7 (ހަތެއް) ދުވަހުގެ ތެރޭގައި ހުށަހެޅި ފަރާތަށް ދޫކުރުމަށް މި އިލްތިމާސްއާ ގުޅިގެން ނިންމާފައިވެއެވެ. އަދި މައުލޫމާތަކީ އިދާރާގެ ވެބްސައިޓުގައި ހުރި މައުލޫމާތެއް ކަމަށް ވާނަމަ އެ މައުލޫމާތެއް ލިބޭނެ ވެބްސައިޓުގެ ލިންކް ފޯރުކޮށްދިނުމަށާއި، އެ މައުލޫމާތަކީ އިދާރާގައި ބެލެހެއްޓިފައިނުވާ މައުލޫމާތެއްނަމަ، އަދި ކ. މާފުށީ ސްކޫލުގައި ހުރި މައުލޫމާތެއް ކަމަށް ވާނަމަ ހުށަހެޅުމުގެ އެބައި ކ.މާފުށީ ސްކޫލަށް ބަދަލުކުރުމަށްފަހު، އެ މައުލޫމާތު ފޯރުކޮށްދިނުމަށް އެ ސްކޫލަށް އެންގުމަށާއި، އެދިފައިވާ މައުލޫމާތު ހުރީ ކޮން އިދާރާއެއްގައި ކަން ނޭނގޭ ނަމަ އެ ކަން ވެސް މައުލޫމާތަށް އެދި ހުށަހެޅި ފަރާތަށް މި މުއްދަތުގައި އެންގުމަށް ކަނޑައަޅައި، މި އިލްތިމާސް ނިންމާފައިވެއެވެ.

މައްސަލަ ބަލައި ނިންމި ގޮތް

މަތީގައި ހަވާލާދެވިފައިވާ އިލްތިމާސްއާ ގުޅިގެން ހުށަހަޅާފައިވާ ލިޔެކިޔުންތަކާއި ބޭއްވުނު ބައްދަލުވުމުގައި ފާހަގަކުރެވުނު ކަންކަމަށް ރިޢާޔަތްކުރުމުން، އެދިފައިވާ މައުލޫމާތަކީ ޤާނޫނު ނަންބަރު: 2014/1 (މަޢުލޫމާތު ހޯދައި ލިބިގަތުމުގެ ޙައްޤު) ގެ ދަށުން ދޫނުކޮށް ހިފެހެއްޓޭނެ މަޢުލޫމާތެއް ކަމަށް ނުބެލެވޭތީ، މައުލޫމާތަށް އެދި ހުށަހަޅާފައިވާ ހުށަހެޅުމުގައި ހިމެނޭ ކޮންމެ ނުކުތާއެއްގައި އެދިފައިވާ މައުލޫމާތު އިދާރާގައި ބެލެހެއްޓިފައި ހުރިކަން ނުވަތަ ނޫންކަން ސާފުކޮށްދިނުމަށާއި، އިދާރާގައި ހުރި މައުލޫމާތު ރަސްމީ 7 (ހަތެއް) ދުވަހުގެ ތެރޭގައި ހުށަހެޅި ފަރާތަށް ދޫކުރުމަށް އަންގަމެވެ. އަދި މައުލޫމާތަކީ އިދާރާގެ ވެބްސައިޓުގައި ހުރި މައުލޫމާތެއް ކަމަށް ވާނަމަ އެ މައުލޫމާތެއް ލިބޭނެ ވެބްސައިޓުގެ ލިންކް ފޯރުކޮށްދިނުމަށާއި، އެ މައުލޫމާތަކީ އިދާރާގައި ބެލެހެއްޓިފައިނުވާ މައުލޫމާތެއްނަމަ، އަދި ކ. މާފުށީ ސްކޫލުގައި ހުރި މައުލޫމާތެއް ކަމަށް ވާނަމަ ހުށަހެޅުމުގެ އެބައި ކ.މާފުށީ ސްކޫލަށް ބަދަލުކުރުމަށްފަހު، އެ މައުލޫމާތު ފޯރުކޮށްދިނުމަށް އެ ސްކޫލަށް އެންގުމަށާއި، އެދިފައިވާ މައުލޫމާތު ހުރީ ކޮން އިދާރާއެއްގައި ކަން ނޭނގޭ ނަމަ އެ ކަން ވެސް މައުލޫމާތަށް އެދި ހުށަހެޅި ފަރާތަށް މި މުއްދަތުގައި އެންގުމަށް ކަނޑައަޅައި، މި އިލްތިމާސް ނިންމައިފީމެވެ.