ލިޔުންތައް

• Sham v MPS- Report (C27-2023) - Case Report-1721110058055.pdf

ދިވެހި ފުލުހުންގެ ޚިދުމަތުގައި ހުރި މަޢުލޫމާތު ހޯދުމަށް އެދި ހުށަހެޅި ފަރާތުގެ އުމުރުދުވަހުގެ ހުރިހާ ރެކޯޑެއް ހޯދުމަށްއެދި ދިވެހި ފުލުހުންގެ ޚިދުމަތަށް ހުށަހެޅުމެއް ހުށަހަޅާފައިވެއެވެ. މި ހުށަހެޅުމާ ގުޅިގެން، ދިވެހި ފުލުހުންގެ ޚިދުމަތުން ފޯރުކޮށްދީފައިވާ ރިކޯޑުތައް ފުރިހަމަ ނޫންކަމަށް ބަޔާންކޮށް، މުރާޖަޢާ ކުރުމުންވެސް ދީފައިވާ ޖަވާބާމެދު ހިތްހަމަ ނުޖެހޭތީ އިންފޮމޭޝަން ކޮމިޝަނަރުގެ އޮފީހުގައިވަނީ އިލްތިމާސްކޮށްފައެވެ.

އެހެންނަމަވެސް، އިންފޮމޭޝަން ކޮމިޝަނަރުގެ އޮފީހުން އިލްތިމާސް ބެލުމަށްޓަކައި ބޭއްވުނު އަޑުއެހުމުގައި، ހޯދުމަށް އެދި ހުށަހަޅާފައިވާ މަޢުލޫމާތު ލިބިފައިވާކަމަށް ބަޔާންކޮށްފައިވާތީ، ޖަވާބަށް އެއްވެސް ބަދަލެއް ގެންނަން ނުޖެހޭކަމަށް ކަނޑައަޅައި މި އިލްތިމާސްވަނީ ވަނީ ނިންމާފައެވެ.

މައްސަލަ ބަލައި ނިންމި ގޮތް

މި އިލްތިމާސްއާ ގުޅިގެން ހުށަހަޅާފައިވާ ލިޔެކިއުންތަކާއި، ބޭއްވުނު ބައްދަލުވުންތަކުގައި ފާހަގަކުރެވުނު ކަންކަމަށް ރިޢާޔަތް ކުރާއިރު، ދިވެހި ފުލުހުންގެ ޚިދުމަތުން ހުށަހެޅި ފަރާތަށް ފޯރުކޮށްދީފައިވާ ޖަވާބު ރަނގަޅުކަމަށް ކަނޑައަޅައި މި ޝަކުވާ ނިންމައިފީމެވެ.

ލިޔުންތައް

• Jamshath v Min. of Transport (C150-2023) - Report-1721109936515.pdf

2020 ވަނަ އަހަރުން ފެށިގެން 2023 ވަނަ އަހަރުގެ މެއި މަހާ ހަމަޔަށް ކޮންމެ އަހަރަކަށް ވަކިން ރާއްޖެއަށް އެތެރެކުރަން ހުއްދަ ނަގާފައިވާ އުޅަނދުފަހަރުތަކާ ގުޅޭގޮތުން މަޢުލޫމާތު ހޯދުމަށް އެދި މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަން އަށް ހުށަހެޅުމެއް ހުށަހަޅާފައި ވެއެވެ. މި ހުށަހެޅުމަށް އެ މިނިސްޓްރީން އެއްވެސް އިޖާބައެއް ދީފައެއް ނުވެއެވެ. މި ހުށަހެޅުމުގައި އެދިފައިވާ މަޢުލޫމާތު އެ މިނިސްޓްރީގައި ގެންގުޅެ ބަލަހައްޓާ ކަމަށް މި ޝަކުވާ ބެލުމަށްޓަކައި ބޭއްވުނު ބައްދަލުވުމުގައި މިނިސްޓްރީން ބުނެފައިވާތީ، އެ މަޢުލޫމާތު ހުށަހެޅި ފަރާތަށް ދޫކުރުމަށް އަންގާފައި ވެއެވެ.

މައްސަލަ ބަލައި ނިންމި ގޮތް

މިޝަކުވާއާ ގުޅިގެން ހުށަހެޅިފައިވާ ލިޔެކިޔުންތަކާއި ބޭއްވުނު ބައްދަލުވުންތަކަށް ރިޢާޔަތް ކުރުމުން، ހޯދުމަށް އެދިފައިވާ މަޢުލޫމާތަކީ ޤާނޫނުގެ ދަށުން އިސްތިސްނާ ކުރެވޭނެ މަޢުލޫމާތަކަށް ނުވާތީ، އެ މަޢުލޫމާތު ރަސްމީ 7 (ހަތެއް) ދުވަހުގެ ތެރޭގައި ހުށަހެޅި ފަރާތަށް ދޫކުރުމަށް ކަނޑައަޅައި މި ޝަކުވާ ނިންމައިފީމެވެ.

ލިޔުންތައް

• Thayyib v Min. of Transport (C148)- Report -1721109694155.pdf

ގްރޭޓާރ މާލެ ސަރަހައްދުގައި ރަޖިސްޓްރީކޮށްފައިވާ ހަތަރު ފުރޮޅުލީ އުޅަނދުތަކާއި ގަރާޖުތަކާ ގުޅޭގޮތުން މަޢުލޫމާތު ހޯދުމަށް އެދި މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަން އަށް ހުށަހެޅުމެއް ހުށަހަޅާފައި ވެއެވެ. މި ހުށަހެޅުމަށް އެ މިނިސްޓްރީގެ ފަރާތުން އެއްވެސް ޖަވާބެއްދީފައިނުވާތީވެ އެކަމުގެ ޝަކުވާ އިންފޮމޭޝަން ކޮމިޝަނަރަށް ހުށަހަޅާފައިވެއެވެ. ހުށަހެޅުމުގައި ހޯދަން އެދިފައިވާ މަޢުލޫމާތުގެ ތެރެއިން އެ މިނިސްޓްރީގައި ގެންގުޅޭ މަޢުލޫމާތު ދޫކުރުމަށާއި، ހުށަހެޅުމުގައި ހޯދުމަށް އެދިފައިވާ މަޢުލޫމާތުގެ ތެރެއިން އެ މިނިސްޓްރީގައި ނެތް މަޢުލޫމާތުގެ ބައި އެ މަޢުލޫމާތު ހުރިކަމަށް މިނިސްޓްރީން ބުނާ މާލެ ސިޓީ ކައުންސިލަށް ބަދަލުކުރުމަށް ވަނީ އަންގާފައެވެ.

މައްސަލަ ބަލައި ނިންމި ގޮތް

މިޝަކުވާއާ ގުޅިގެން ހުށަހެޅިފައިވާ ލިޔެކިޔުންތަކާއި ބޭއްވުނު ބައްދަލުވުންތަކަށް ރިޢާޔަތް ކުރުމުން، ހޯދުމަށް އެދިފައިވާ މަޢުލޫމާތުގެ 1.1 ގައި އެދިފައިވާ މަޢުލޫމާތު 09 ޖުލައި 2023 ގައި ހުށަހެޅިފަރާތަށް ލިޔުމުން ދޫކުރުމަށާއި، އަދި ހުށަހެޅުމަށް ޖަވާބު ދިނުމުގައި ލަސްވެގެންދިޔަ ސަބަބު ހުށަހެޅި ފަރާތަށް ލިޔުމުން ދޫކުރުމަށް އަންގަމެވެ.

ހޯދުމަށް އެދުނު މަޢުލޫމާތުގެ 1.2 އަދި 1.3 ގައި އެދިފައިވާ މަޢުލޫމާތު މިނިސްޓްރީން މިހާރު ބަލަހައްޓަމުން ނުދާކަމަށާއި އަދި އެ މަޢުލޫމާތު ބަލަހައްޓަމުން ގެންދަނީ މާލެ ސިޓީ ކައުންސިލްގެ އިދާރާއިން ކަމަށް މި ޝަކުވާ ބެލުމަށްޓަކައި ބޭއްވުނު ބައްދަލުވުމުގައި މިނިސްޓްރީގެ ފަރާތުން ފާހަގަކޮށްފައި ވާތީ، ހުށަހެޅުމުގެ 1.2 އަދި 1.3 މާލެ ސިޓީ ކައުންސިލްގެ އިދާރާއަށް ވީ އެންމެ އަވަހަކަށް ބަދަލުކުރުމަށާއި އަދި އެފަދައިން ބަދަލުކުރިކަން ހުށަހެޅި ފަރާތަށް ލިޔުމުން އެންގުމަށް ކަނޑައަޅައި މި ޝަކުވާ ނިންމައިފީމެވެ.

ލިޔުންތައް

• ICOM-C-2023-41 Case Summary (re Fenaka) (2)-1721109515380.pdf

ފެނަކަ ކޯޕަރޭޝަން ލިމިޓެޑުގެ ދަރަނީގެ މަޢުލޫމާތާއި، ޖުމްލަ އެސެޓާއި ކުންފުންޏާ ގުޅުންހުރި އިތުރު މަޢުލޫމާތު ހޯދުމަށް އެދި ހުށަހެޅި ފަރާތުން ފެނަކަ ކޯޕަރޭޝަން ލިމިޓެޑްއަށް ހުށަހެޅުމެއް ހުށަހަޅާފައިވެއެވެ. މި ހުށަހެޅުމަށް ޤާނޫނުގައި ކަނޑައަޅާފައިވާ މުއްދަތުގެ ތެރޭގައި އެ އިދާރާއިން މަޢުލޫމާތު ފޯރުކޮށްދީފައެއްނުވެއެވެ. އަދި މި ޝަކުވާ އިންފޮމޭޝަން ކޮމިޝަނަރަށް ހުށަހެޅުމުން، ޝަކުވާ ބެލުމަށްފަހު، ހޯދަން އެދުނު މަޢުލޫމާތުގެ ތެރެއިން ފޯރުކޮށްދީފައިނުވާ މަޢުލޫމާތު ދޫކުރުމަށްވަނީ އަންގާފައެވެ.

މައްސަލަ ބަލައި ނިންމި ގޮތް

މި މައްސަލައާ ގުޅިގެން ހުށަހަޅާފައިވާ ލިޔެކިއުންތަކާއި، ބޭއްވުނު ބައްދަލުވުމުގައި ފާހަގަކުރެވުނު ކަންކަމަށް ރިޢާޔަތް ކުރާއިރު، ހޯދުމަށް އެދުނު މަޢުލޫމާތުގެ ތެރެއިން، 7 ވަނަ ނަންބަރާއި، 8 ވަނަ ނަންބަރާއި، 9 ވަނަ ނަންބަރުގައިވާ މަޢުލޫމާތު 14 (ސާދަ) ދުވަހުގެ ތެރޭގައި ފޯރުކޮށްދިނުމަށް ކަނޑައަޅައި މި ޝަކުވާ ނިންމައިފީމެވެ.

ލިޔުންތައް

• Yaameen v Kaashidhoo council (C240)- Report-1721109321109.pdf

މާލެ އަތޮޅު ކާށިދޫކައުންސިލްގެ 4 ވަނަ ދައުރުގައި އެކި ފަރާތްތަކަށް ޖޫރިމަނާ މާފްކޮށްދިނުމާ ގުޅޭގޮތުން މަޢުލޫމާތު ހޯދުމަށް އެދި މާލެއަތޮޅު ކާށިދޫ ކައުންސިލްގެ އިދާރާ އަށް ހުށަހެޅުމެއް ހުށަހަޅާފައި ވެއެވެ. މި ހުށަހެޅުމަށް އެއިދާރާއިން އެއްވެސް އިޖާބައެއް ދީފައެއްނުވެއެވެ. މި ހުށަހެޅުމުގައި އެދިފައިވާ މަޢުލޫމާތު އެ ކައުންސިލް ގައި ގެންގުޅެ ބަލަހައްޓާ ކަމަށް މި ޝަކުވާ ބެލުމަށްޓަކައި ބޭއްވުނު ބައްދަލުވުމުގައި ކައުންސިލުން ބުނެފައިވާތީ، އެ މަޢުލޫމާތު ހުށަހެޅި ފަރާތަށް ދޫކުރުމަށް އަންގާފައި ވެއެވެ.

މައްސަލަ ބަލައި ނިންމި ގޮތް

މިޝަކުވާއާ ގުޅިގެން ހުށަހެޅިފައިވާ ލިޔެކިޔުންތަކާއި ބޭއްވުނު ބައްދަލުވުންތަކަށް ރިޢާޔަތް ކުރުމުން، ހޯދުމަށް އެދިފައިވާ މަޢުލޫމާތަކީ ޤާނޫނުގެ ދަށުން އިސްތިސްނާ ކުރެވޭނެ މަޢުލޫމާތަކަށް ނުވާތީ، އެ މަޢުލޫމާތު 26 ސެޕްޓެންބަރު 2023 ގެ ކުރިން ހުށަހެޅި ފަރާތަށް ދޫކުރުމަށް ކަނޑައަޅައި މި ޝަކުވާ ނިންމައިފީމެވެ