އައްޑޫ ސިޓީގެ ޒުވާނުންނަށް މަޢުލޫމާތު ހޯދައި ލިބިގަތުމުގެ ޙައްޤަށް ހޭލުންތެރިކުރުމަށް ސެޝަންއެއް ބާއްވައިފި

ޖުލައި 21, 2025

ޓްރާންސްޕޭރަންސީ މޯލްޑިވްސްއާއި ޕްރޮޖެކްޓް ތިމާވެށިން އިސްނަގައިގެން އައްޑޫ ސިޓީގެ ޒުވާނުންނަށް ޚާއްސަ "ސޯޝަލް އެކައުންޓަބިލިޓީީ 101"ގެ ނަމުގައި ކުރިއަށް ގެންދުވުނު މަސައްކަތު ބައްދަލުވުމުގައި ބައިވެރިވުމަށް އިންފޮމޭޝަން ކޮމިޝަނަރުގެ އޮފީހަށް ލިބުނު ފުރުސަތެއްގައި މަޢުލޫމާތުު ހޯދައި ލިބިގަތުމުގެ ޙައްޤަށް ހޭލުންތެރިކުރުމުގެ ސެޝަނެއް ނަގައިދީފިއެވެ.

މި ސެޝަންގައި ދައުލަތުގެ އިދާރާތަކުން މަޢުލޫމާތު ހޯދާނެ ގޮތްތަކާއި، ހޯދޭނެ މަޢުލޫމާތުތަކާއި، މަޢުލޫމާތައް އެދުމުގައި ސަމާލުކަންދޭންވީ ކަންތައްތަކާއި، މި ޙައްޤުގެ ބޭނުންކޮށްގެން ހޯދާ މައުލޫމާތުތަކުގެ ބޭނުން ހިފާނެ ގޮތްތަކާ ގުޅޭ ގޮތުން ބައިވެރިންނަށް މައުލޫމާތު ދެވުނެވެ.

އައްޑޫ ސިޓީ ހިތަދޫގައި ކުރިއަށް ގެންދެވުނު މި ޕްރޮގްރާމްގައި ޖުމުލަ 29 ފަރާތަކުން ބައިވެރިވެފައިވެއެވެ. ބައިވެރިންގެ ތެރޭގައި ހިމެނުނީ އުމުރުން 16 އަހަރާއި 19 އަހަރާ ދެމެދުގެ ޒުވާނުންނެވެ.