ބަލިމީހުންގެ މައުލޫމާތު ހާމަކުރުމާ ގުޅޭ ގޮތުން އޭޑީކޭގެ މެނޭޖިންގ ޑިރެކްޓަރުގެ ތަޖުރިބާ ހިއްސާކުރައްވައިފި
ބަލިމީހުންގެ މައުލޫމާތާއި މެޑިކަލް ރެކޯޑް ހާމަކުރުމުގެ މިންގަނޑުތަކާ ގުޅޭ ގޮތުން އޭޑީކޭ ހޮސްޕިޓަލުގެ މެނޭޖިންގ ޑިރެކްޓަރ އަލްފާޟިލް އަޙްމަދު އަފްއާލްގެ ތަޖުރިބާ އިންފޮމޭޝަން ކޮމިޝަނަރުގެ އޮފީހުގެ މުވައްޒަފުންނާ މިއަދު ހިއްސާކުރައްވައިފި އެވެ.
އައިކޮމްގެ ހުދުހުދު މާލަމުގައި ބޭއްވި ބައްދަލުވުމުގައި، ރާއްޖޭގެ ސިއްޙީ ފަންނުވެރިންގެ ޤާނޫނާއި، ސިއްޙީ ހިދުމަތުގެ ޤާނޫނާއި، މެޑިކަލް ރެކޯޑް ބެލެހެއްޓުމުގެ ޤަވާއިދާއި، ބައިނަލްއަޤުވާމީ މިންގަނޑުތަކާ ގުޅޭ މައުލޫމާތު އަފްއާލް ދެއްވެވި އެވެ.
އައިކޮމްގެ މުވައްޒަފުންގެ ޤާބިލްކަމާއި ތަޖުރިބާ އިތުރުކުރުމަށްޓަކައި ހިންގާ ޕްރޮގްރާމުގައި، ސިއްޙި ޚިދުމަތުގެ ދާއިރާގައި ގިނަ އަހަރުތަކެއްގެ ތަޖުރިބާ ލިބިވަޑައިގެންފައިވާ އަފްއާލް ވިދާޅުވީ ބަލިމީހުންގެ މައުލޫމާތު ހާމަކުރުމުގައި ރާއްޖޭގައި ވަރަށް ގިނަ ގޮންޖެހުންތަކެއް ތަޖުރިބާކުރަން ޖެހިވަޑައިގެންފައިވާ ކަމަށެވެ. އަދި އެ ދާއިރާގެ މައުލޫމާތު ހާމަކުރުމުގައި ގެންގުޅޭ މިންގަނޑުތައް މިހާރަށް ވުރެ އިތުރަށް ހަރުދަނާކުރަން ޖެހިވަޑައިގަންނަވާ ކަމަށް ވެސް އޭނާ ވިދާޅުވި އެވެ.